Loading Video...
Фудбал
19. November 2019 - 14:16

Само едно празно место за ЕУРО 2020

Денеска ќе се играат последните десет натпревари со кои ќе се заокружи овој циклус квалификации за Еуро 2020
 
Остана само уште едно слободно место преку овие квалификации за пласман на шампионатот. 
 
Во рамките од групата Е, репрезентацијата на Хрватска е сигурен патник, но затоа за втората позиција претендираат уште три селекции. 
 
Унгарија која има 12 бодови му гостува на Велс кој е во моментов трето рангиран со бод помалку, па нивниот вечерашен меѓусебен дуел може да реши која од овие две селекции ќе и се приклучи на Хрватска. Но. Шанса сеуште има и Словачка која со 10 бодови е на четвртата позиција, па доколку мечот во Кардиф заврши без победник, а Словаците ја оправдаат улогата на фаворит и на домашен терен го совладаа Азербејџан, тие ќе се пласираат на европскиот шампионат. 
 
Пласман на ЕП 2020 досега обезбедија:
Група А: АНГЛИЈА, ЧЕШКА
Група Б: УКРАИНА, ПОРТУГАЛИЈА
Група Ц: ГЕРМАНИЈА, ХОЛАНДИЈА
Група Д: ШВАЈЦАРИЈА, ДАНСКА
Група Е: ХРВАТСКА, Унгарија (12), Велс (11), Словачка (10) 
Група Ф: ШПАНИЈА, ШВЕДСКА
Група Г: ПОЛСКА, АВСТРИЈА
Група Х: ФРАНЦИЈА, ТУРЦИЈА
Група И: БЕЛГИЈА, РУСИЈА
Група Ј: ИТАЛИЈА, ФИНСКА
 
Последните четири празни места за ЕП 2020 ќе бидат пополнети преку баражот од Лигата на нациите, во кој својата шанса ќе ја бара и репрезентацијата на Македонија.