Само бод за Рома на дуелот со Болоња

 

Гостите поведоа со голот на Лука Росетини во 25.минута, а бод на домаќините им донесе Мохамед Салах со погодокот во 50.минута. 

 

По овој резултат Рома го губи чекорот со водечката двојка, Јувентус и Наполи. На шест кола до крајот на шампионатот Рома заостанува 12 бода зад лидерот Јувентус, односно шест зад Наполи кој е на втората позиција. 

 

Во трката за третата позиција која носи пласман во квалификациите за Лигата на шампионите следната сезона „римската волчица“ има шест бодови повеќе од Интер кој е на четвртото место. 

 

Болоња ја прекина серијата од три порази во низа и сега е 13.место со 37 бодови.