Самит ЕУ-Турција посветен на миграцијата
Шефовите на држави или влади на 28-те земји-членки на ЕУ и првите луѓе на Унијата денеска во Брисел ќе се сретнат со турскиот премиер Ахмет Давутоглу за да разговараат за прашања поврзани со напливот на имигранти од Турција кон Европа.
Според најавите, на овој Самит ЕУ-Турција ќе биде разгледан заедничкиот акциски план за справување со миграцијата, во чии рамки Унијата досега и додели на Анкара три милијарди евра за сместување на бегалците на нејзина терторија.
Со планот, исто така, се предвидува и олеснување на визниот режим при патување на турските граѓани во државите од ЕУ и забрзување на преговорите за членство на Турција во Унијата.
Според дипломатски извори во Брисел, се очекува на Самитот да биде договорено одржување на редовни средби меѓу претставници на ЕУ и Турција за прашања поврзани со борбата против тероризмот, меѓународните односи и безбедноста.
Лидерите на ЕУ ќе се обидат да ја убедат Турција да се согласи да ги прифати назад сите илегални имигранти кои од нејзина територија ќе влезат во ЕУ, како и да ги репатрира економските имигранти во земјите од кои потекнуваат.
Дипломатски извори не ја исклучуваат ниту можноста ЕУ да се согласи да и исплати дополнителна помош на Турција, што ќе биде наменета за потребите на сириските бегалци што се наоѓаат на нејзниа територија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово