Џет-Сет
16. February 2017 - 18:13

Сакаше да ме силува кога имав 18 години – Потресно искуство на Гоца Тржан

Гоца Тржан проговори за искуство од минатото кое не било ни малку пријатно. Еден маж сакал да ја силува пејачката.

-Морам да признаам и немам никаков проблем со тоа дека имав непријатно искуство. Имав 18 години – открила Гоца Тржан во емисијата Ексклузив.

На неа непријатното искуство и се случило на Заечарската гитаријада, на која настапувала со еден рок бенд.

-Тоа секогаш се случува со луѓе кои ги познавате и во кои имате доверба. Не сакам да зборувам за тоа, тоа е дел од моето минато. Многу непријатно искуство со кое се изборив лесно, освестувајќи го тој дел од себе – објаснила Гоца во емисијата.

Таа од тоа искуство излегла посилна.

-Многу слободна жена сум и многу сум отворена, па научив важна лекција дека со одредени луѓе ако си отворен и весел, може да биде протолкувано како повик за нешто што си умислиле – вели Гоца.

Открила дека жените генерално имаат голем проблем бидејќи ги гледаат како сексуални објекти, само затоа што облекле нешто кратко.

-Мислам дека мажите сметаат дека ако жената е разголена или слободна, дека тоа е отворен повик за нив, што не е така – рекла пејачката.