Свет
19. December 2015 - 9:15

САД усвои буџет за следната година од 1,1 билион долари

Американскиот претседател Барак Обама го потпиша законот за буџет за следната година во износ од 1,1 билион долари.

Пакетот во вкупна вредност од 1,8 билиони долари вклучува 1,15 билиони долари за финансирање на Владата и дополнителни даночни отстапки во износ од 680 милијарди долари во текот на следните 10 години.

Законот за буџет на САД претходно бил одобрен од двата дома на Конгресот.

Документот предвидува и отстранување на ембаргото за извоз на сурова нафта од САД, кое беше во сила околу 40 години.