САД разочарани од изборите во Белорусија
САД соопштија дека се разочарани од претседателските избори во Белорусија, наведувајќи оти поранешната советска република не ги исполнила меѓународните обврски за одржување на слободни и фер избори.
Стејт департментот наведе дека меѓународните набљудувачи укажале на „сериозни проблеми“ на изборите што се одржаа во неделата, на кои петти мандат освои Александар Лукашенко.
- Јасно е дека Белорусија има уште долг пат кон исполнување на своите демократски обврски, изјави вчера шефот на набљудувачката мисија на Организацијата за европска безбедност и соработка (ОБСЕ) Кент Хастед.
Централната изборна комисија соопшти дека претседателот на Белорусија Александар Лукашенко (61) освои 83,49 отсто од гласовите и обезбеди петти мандат.
Активистката од кампањата „Зборувај вистина“ Татјана Короткевич е втора, со освоени 4,42 отсто од гласовите на избирачите.
Одзивот на изборите во Белорусија бил 86,75 отсто.
Двајцата противкандидати на Лукашенко на претседателските избори - лидерот на Либералн-демократската партија Сергеј Гајдукевич и лидерот на Белоруската патриотска партија и врховен атаман на белоруските козаци Николај Улахович, веќе му ја честитаа победата.
Лукашенко за шеф на државата избран е во 1994, 2001, 2006 и 2010 година.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто