САД подготвуваат нова воена помош за Украина во вредност од 988 милиони долари
САД подготвуваат пакет од дополнителна воена помош за Украина во вредност од 988 милиони долари, соопштија синоќа од Стејт департментот.
Износот е речиси половина од преостанатите 2,21 милијарда долари во рамките на Иницијативата за помош за безбедност на Украина (УСАИ).
Средствата од УСАИ ќе бидат насочени кон набавка на муниција за високомобилните артилериски ракетни системи (HIMARS) произведени од Lockheed Martin, како и за беспилотни летала.
Администрацијата на Бајден често ги користеше претседателските овластувања за вонредно повлекување на оружје (ПДА), кои му дозволуваат на претседателот без одобрување од Конгресот вонредно да повлекува оружје од американските резерви.
Средствата од УСАИ се издвоени одделно и ќе се користат за набавка на ново оружје од компании во САД.
Администрацијата на Бајден располага со околу шест милијарди долари кои ги одобри Конгресот, вклучувајќи средства одобрени во 2024 година и средства откриени од Пентагон по преоценувањето на вредноста на испратеното оружје во Украина.
Од почетокот на руската инвазија во февруари 2022 година, САД доделиле на Украина воена помош вредна повеќе од 62 милијарди долари.
Покрај од резервите, голем дел од ова оружје е купено од американски компании кои работат во одбранбениот комплекс.
Ново на Сител
-
Тема на денот со Александар Кржаловски
-
Филипче: Родовите прашања се сведуваат на прашања за доминација, тоа е погрешно
-
Интервентни мерки во вторник за поевтина храна, најави премиерот
-
Најави за странски инвестиции
-
Полициските контроли резултираа со намален број на интервенции на сообраќајки на Брзата помош
-
Тошковски: Селективната примена на закони ја загрозува правдата
-
Мицкоски: Победуваме на локални, имаме предност од 4:1
-
Мицкоски бара јавен притисок за промени во Судскиот совет