САД поддржува укинување на патентите за интелектуална сопственост за вакцините против Ковид-19
Администрацијата на американскиот претседател Џо Бајден го поддржа откажувањето од заштитата на интелектуалната сопственост за патентите за вакцини против Kовид-19.
Ова претставува напредок во меѓународните напори за суспендирање на правилата за патенти, со оглед на замавот што го зеде пандемијата во Индија и Јужна Америка.
СAД беа голем противник на предлогот на Светската трговска организација (СТО) за укинување на интелектуалната сопственост на вакцините, во обид да се зајакне производството на вакцини. Но Бајден беше под зголемен притисок да го поддржи предлогот, вклучително и голем број демократи во Конгресот.
Кетрин Таи, претставничката на САД во СТО го објави ставот на администрацијата: Ова е глобална здравствена криза и вонредните околности на пандемијата на коронавирусот бараат итни мерки. Таа додаде дека администрацијата силно верува во заштитата на интелектуалната сопственост, но со цел ставање крај на пандемијата поддржува одрекување од заштита на патенти за вакцини против Ковид-19. Таи рече дека САД ќе учествуваат во преговорите за ова прашање во Светската трговска организација, додавајќи дека на разговорите ќе им треба време со оглед на природата на институцијата и сложеноста на прашањето.
Доколку се постигне консензус во рамките на Светската трговска организација, патентите за вакцини ќе бидат достапни за употреба од други производители.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово