Свет
7. January 2020 - 9:21

САД планираат санкции за Русија поради поддршката кон Мадуро

 Американските власти планираат санкции кон Русија поради поддршката за претседателот Николас Мадуро, изјави американскиот претставник задолжен за Венецуела, Елиот Абрамс.

– Разгледуваме каква улога има Русија и нема да дозволиме поддршка (за Венецуела) без реакција, рече Абрамс, додавајќи дека се планираат санкции за руски организации и поединци.

САД воведоа серија санкции кон Венецуела по претседателските избори во 2018 година, на кои победи Мадуро. Опозицијата поддржана од САД не ги признава тие изборни резултати.

Абрамс призна дека САД досега ја „потцениле“ поддршката на Русија и Куба за Венецуела.