САД ја повлекуваат воената помош за Мјанмар поради насилствата врз Рохинџите-муслимани
САД соопштија дека ја повлекуваат воената помош за единиците и офицерите од Мјанмар, кои се вмешани во насилството врз Рохинџите-муслимани, кое предзвика масовен егзодус и хуманитарна криза.
При објавата на казнените мерки, портпаролката на Стејт департментот, Хедер Науерт изрази голема загриженост од страна на САД поради неодамнешниот развој на случувањата во мјанмарската држава Ракајн.
Таа наведе дека е неоходно да бидат казнети оние кои се одговорни за „насилното и трауматично злоставување кое го претрпеа Рохинџите“.
Претходно, американскиот државен секретар Рекс Тилерсон истакна дека САД оценуваат оти военото раководство на Мјанмар е одговорно за случувањата во земјата.
Тој нагласи дека, доколку се воспостави дека извештаите за злосторствата врз Рохинџите-муслимани во Мјанмар се точни, тогаш одговорните треба да бидат казнети.
Поради насилството во Ракајн, над 600.000 Рохинџи-муслимани побегнаа од земјата од август досега.
Ново на Сител
-
Неделков: СОНК нема да дозволи исплата на плата спротивно на Колективниот договор за дејноста култура
-
Над 20 слаби земјотреси регистрирани во Турција
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток
-
Тухел за натпреварите со Реал: Баерн ќе игра против најголемиот клуб во светот
-
Соработувале со Русите и планирале да ја саботираат армијата, Германија уапси две лица
-
Приведени крадци во Битола