САД и Кина почнаа преговори за кибер безбедноста
САД и Кина веќе неколку недели водат преговори за прашања поврзани со кибер безбедноста, кои би можеле да завршат следната недела со склучување билатерален договор во оваа сфера, објави весникот „Њујорк Тајмс“.
Според њушоркиот весник, евентуалниот договор за кибер безбедноста меѓу САД и Куба би можел да биде потпишан за време на посетата на кинескиот претседател Си Џинпинг на Вашингтон.
Повикувајќи се неименувани дипломатски извори, „Њујорк Тајмс“ наведува дека договорот би се однесувал на спречување кибер напади врз електроцентрали, телекомуникациски ситеми и болници. Сепак, според весникот, тој нема да претставува никаква гаранција за спречување на кибер напади врз воени капацитети, индустриска шпионажа и кражба на интелектуална сопственост., за што САД често ја обвинуваат Кина.
Според најавите од Вашингтон, прашањата поврзани со кибер безбедноста ќе бидат една од главните теми на средбата на Си со американскиот претседател Барак Обама, што ќе се одржи следната недела во Вашингтон.
Во меѓу време, информатички експерти посочуваат дека кибер нападите од кинеска страна врз американски компании значително се намалиле во последниве неколку месеци, што се поврзува со американско-кинеските преговори за кибер безбедноста и очекуваната средба меѓу Обама и Си.
Ново на Сител
-
Убедливо водство на Силјановска
-
ОБСЕ/ОДИХР ги објави првичните резултати за првиот круг претседателски избори
-
Хроника на изборни нерегуларности за првиот круг на претседателските избори
-
Анализа на првиот круг од претседателските избори
-
Убедлива победа на Силјановска во првиот круг, Пендаровски најавува продолжување на европската агенда
-
Груби со куфер од пред Општина Чаир побара да си одат четворицата претседатели од албанската опозиција
-
Таткото на Вања Ѓорчевска оди во куќен притвор
-
Таткото на Вања повторно бара слобода од Врховниот суд