САД бараат одлагање на вонредните избори во северно Косово
Американскиот амбасадор во Косово, Џефри Ховениер, смета дека во моментов не се создадени потребните услови за одржување на вонредните избори во четири општини во северно Косово, планирани за 18 декември, јави дописникот на МИА од Приштина.
Ховениер преку неговиот Твитер денеска порача дека безбедноста на граѓаните на Косово треба да биде највисок приоритет.
„САД се загрижени дека не се созддени услови во моментов за одржување избори подоцна месецов во северно Косово. Безбедноста на сите граѓани на Косово треба да биде највисок приоритет. Ние бараме од сите инволвирани да иизразат воздржаност“, напиша Ховениер.
Американскиот дипломат ги осуди вчерашните инциденти, порачувајќи дека употребата на насилство и заплашување не е соодветен метод на протест.
– САД ги осудуваат оние кои употребија насилство за време на вчерашните инциденти во северно Косово. Прибегнувањето кон насилство и заплашување, вклучително и употреба на експлозивна направа и загрозување животи никогаш не е соодветен метод на протест, под никакви околности, порача Ховениер.
Вчера во северно Косово имаше неколку екпслозии од рачни гранати и шок-бомби. Нападите се случија по пристигнувањето на надлежните службеници во општинските изборни комисии во општините во тој дела на земјата, населен со мнозинско српско население, со цел да ги подготват вонредните избори, по оставките на Србите од косовските институции на почетокот на минатиот месец.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок