САД бараат Иран да ја напушти Сирија, Техеран го бара истото од Вашингтон
Државниот секретар на САД Рекс Тилерсон го повика денеска Иран да ги повлече своите сили и милиции од Сирија.
- САД се многу вознемирени од неодамнешната конфронтација во Сирија помеѓу Иран и Израел, изјави Тилерсон за време на посетата на Јордан.
Тој оцени дека САД имаат „далекусежен мировен план за Блискиот Исток“, кој е разработуван со месеци.
- Претседателот Доналд Трамп останува посветен на мировниот процес, истакна Тилерсон по средбата со министерот за надворешни работи на Јордан, Ајман Сафади.
На барањето на Тилерсон, веднаш реагираше Али Акбар Велајати, советник на иранскиот врховен водач, ајатолахот Али Хамнеј. Велајати потенцираше дека иранското воено присуство во Сирија е легитимно и е по барање на Дамаск, а дека американските сили се тие кои треба да ја напуштат земјата.
- Сирија треба да ја напуштат оние кои се таму без дозвола на законски избраната сириски Влада, истакна Велајати.
Ново на Сител
-
Аналитички центар на Сител: Пресек на излезност до 18:30 часот
-
Аналитички центар на Сител: Пресек на излезност до 15 часот
-
Аналитички центар на Сител: Пресек на излезност до 13 часот
-
Просечна излезност до 11 часот
-
ОБСЕ: На крајот на денот ќе оцениме како се одржало гласањето
-
Аналитички центар на Сител: Просечна излезност до 9 часот
-
Министерот се премисли: Основците нема да одат на училиште во сабота
-
Агресијата кај учениците е резултат на целокупната состојба во државата