Руското МНР: Апсурдни се тврдењата за мешање на Москва во изборите во Албанија
Руското министерство за надворешни работи соопшти денеска дека какви било тврдења дека Русија се мешала во парламентарните избори во Албанија во 2017 година е „апсурдна идеја насочена кон поткопување на врските меѓу Мосвка и Тирана“.
Американскиот магазин „Мадр Џонс“ (Mother Jones) и повеќе албански весници на 6 март објавија текстови за наводно мешање на Русија во албанските избори.
- Овој материјал е уште една апсурдна идеја која побудува длабоко жалење и која не е вредна за дополнителни коментари. Таквите шпекулации се дел од кампањата за дискредитирање на ширење на лаги, кои западните медиуми ги спроведуваат против Русија, се наведува во денешното соопштение на руското МНР.
Целта на објавувањето на оваа статија, проценува Министерството, е да се наметне искривена слика за Русија и да се поткопа напредокот во соработката меѓу Москва и Тирана.
- Подвлекуваме дека, за разлика од некои западни земји, Русија е посветена на принципот на немешање во домашни прашања на другите земји, вклучувајќи ја и Албанија, се вели во соопштението.
Руското Министерство за надворешни работи во соопштението „уште еднаш ја потврдува својата подготвеност за контакти и отворена соработка со сите политички сили на Албанија, со цел да се поттикне дијалогот".
Американскиот весник објави долг текст за истрагата на фирма поврзана со Русија, која ангажирала поранешен член во предизборниот тим на претседателот на САД Доналд Трамп, Ник Мазин, да работи во САД за давање поддршка на албанската десничарска Демократска партија за време на парламентарните избори во Албанија во 2017 година.
Социјалистите на тие избори освоија мнозинство од 65 места во Парламентот, додека Демократската партија беше второ пласирана, со 50 места во законодавниот дом.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање