Рускиот авион се распаднал во воздух
Рускиот патнички авион со 224 патници и членови на екипажот, кој се урна вчера во Египет, се распаднал во воздух, изјави директорот на рускиот Меѓудржавен воздухопловен комитет, Виктор Сороченко.
- Распаѓањето се случило во воздух, а делови од авионот се расфрлани на голема територија, истакна Сороченко во Каиро, каде се наоѓа тим од експерти од Русија, Египет, Франција и Ирска.
Тој додаде дека се уште е рано да се зборува за причините за несреќата.
Меѓународните иследници почнаа да ја истражуваат причината за падот на Ербасот.
Претставници на руското Министерство за вонредни состојби наведоа дека е неопходно детално да се прегледа подрачјето од околу 16 квадратни километри. Тие ја пронајдоа црната кутија, а египетската Влада нагласи дека во тек е анализа на нејзината содржина.
- Рускиот истражен комитет денеска ги презеде документи за техничкото одржување на авионот, како и податоците поврзани со летот, сертификатот на авионот, испишаната рута меѓу Шарм ел Шеик и Санкт Петербург, изјави портпаролот на Комитетот, Владимир Маркин.
Ербасот на руската компанија „Когалимавиа“, кој сообраќаше од Шарл ел Шеих за Санкт Петербург се урна вчера околу половина час по полетувањето, на стотина метри јужно од административниот центар на провинцијата Северен Синај, градот Ел Ариш, во близина на населеното место Ел Хасна. Во авионот имаше 117 патници и седум членови на екипажот. Во несреќата нема преживеани.
Во Русија денеска е прогласен ден на жалост.
Ново на Сител
-
Молдавија воведува 60-дневна вонредна состојба поради енергетската криза
-
Николоски: Уште шест нови авиолинии до крајот на годината
-
Мисија на САД во НАТО: Безбеден и стабилен Западен Балкан приоритет за НАТО и САД
-
Амбасадорот на ЕУ, Михалис Рокас во посета на Тетово
-
Маск е првиот човек во светот кој има повеќе од 400 милијарди долари
-
Доделување сертификати на 145 земјоделци за одржливо земјоделство во Преспа
-
Мицкоски на поставување на камен темелник за изградба на фабрика за батерии за автомобили на компанијата „ABEE“ во ТИРЗ Кичево
-
Нова американска воена помош од половина милијарда долари за Украина