Свет
16. јуни 2016 - 15:42

Руски вицепремиер: Црна листа на хулигани пред Светското првенство 2018.

Рускиот вицепремиер Аркадиј Дворкович предложи денеска да се направи црна листа на меѓународни хулигани со кои би им бил забранет влез во Русија во текот на одржувањето на Светското првенство во фудбал во 2018 година.

-  Мораме да имаме црна листа. На оние кои ги прекршуваат законите не смее да им биде дозволен влез во земјата и да присустуваат на натпреварите. Кога е во прашање дозвола за влез на натпревари, ова се однесува и на руски и странски фудбалски навивачи, рече Дворкович, јави ТАСС.