Руски научници создадоа вештачки вулкан
Група научници од Русија први во светот успеаја да направат симулација на процес во вулкан, со помош на единствена машина за електронско варење.
Научниците од Институтот за нуклеарна физика и Институтот за геологија и минерали при сибириското одделение на Руската академија на науките, со таа машина растопиле карпа од вулканот Авачински на Камчатка.
Главниот научен соработник на Институтот за геологија, Виктор Шарапов, откри дека примената на машината ќе помогне да се изработат модели со сеизмички процес на длабочини од 40 до 70 километри, како и проучување на рудите.
Шарапов истакна дека експериментот на топење на ксенолитот, карпа која лавата ја исфрлува на површина, е важен, бидејќи овозможува увид во процесот на топењето на карпите на големи длабочини без влијание на надворешните фактори и начинот на кој микроделовите на ксенолитот се претвораат во руда.
Исто така, по пат на математички и физички модели ќе може да се предвидат и сеизмичките активности.
- Ова е прв ваков експеримент во светот со единствена техника, додаде Шарапов.
Електронската печка за вриење произведува 10 мегавати енергија по квадратен сантиметар и во неа може да се симулира и влез во метеорит во Земјината атмосфера, а бидејќи достигнува температура од 3.300 степени Целзиусови може дури и да топи метали. Дури и волфрамот кој е најцврст во периодичниот систем.
Со помош на неа, тврдат научниците, ќе биде можно да се создаваат материјали со одредени особини и нанопрашина.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација