Руски хакери користеле ирански алатки во напад на 20 земји
Руски хакери ја искористија иранската операција за кибер-шпионажа за напад врз владини и индустриски организации во речиси 20 земји, така што нападите се чини дека потекнуваат од Исламска држава, тврдат денеска американски и британски официјални лица.
Руската хакерска група позната како „Турла“, обвинета од естонските и чешките власти за постапување во име на руската Федерална служба за безбедност, користела ирански алатки и компјутерска инфраструктура и успешно ги хакирала организациите во најмалку 20 различни земји во последните 18 месеци, тврдат британски безбедносни претставници.
Тие додаваат дека хакерите биле најактивни на Блискиот исток, но на мета им биле и организации во Велика Британија.
Британскиот Национален центар за кибер безбедност, во заедничко соопштение со американската Агенција за национална безбедност, наведува дека сака да ја подигне свеста за овие активности и да им ги отежни нападите на своите непријатели.
– Сакаме да испратиме јасна порака дека дури и кога напаѓачите се обидуваат да го прикријат својот идентитет, ние имаме можност да ги идентификуваме, рече Пол Чичестер, кој е директор за операции во Националниот центар за кибер безбедност.
Москва и Техеран во повеќе наврати ги отфрлија обвинувањата за хакирање кои доаѓаат од Запад.
Западните власти ги рангираат Русија и Иран меѓу најопасните закани во кибер просторот, покрај Кина и Северна Кореја.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово