Руски хакери го нападнаа и американското Министерство за внатрешна безбедност
Група организирани хакери кои работат под контрола на руската влада спровела долга и сложена кибернетска операција за инфилтрирање во американските владини институции, вклучувајќи го и Министерството за внатрешна безбедност, пишува „Вашингтон пост“.
Изданието наведува дека штетата од хакерската операција се уште не е утврдена, но според експертите се смета дека е значителна.
Претходно беа пријавени кибер напади од руски хакери против Министерството за финансии и Министерството за трговија на САД. Многу други федерални институции, како и приватни компании, се на списокот на нападнати страници.
Се прецизира дека хакерите успеале да навлезат во мрежите на американската влада преку софтверот SolarWinds. Забележано е дека нападите може да наштетиле на повеќе од 18.000 корисници на овој софтвер.
Агенцијата за кибербезбедност и инфраструктурна безбедност им издаде упатства на корисниците веднаш да ги исклучат софтверските производи на SolarWinds.
Русија, во меѓувреме, негира каква било вмешаност во кибер напади против американски институции.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња