Руска ТВ ѕвезда најави претседателска кандидатура
Познатата руска телевизиска водителка Ксенија Собчак (35) најави дека ќе се кандидира на претстојните претседателски избори во март следната година.
Водителката ја објави својата одлука преку видео на Јутјуб.
Таа е ќерка на Анатолиј Собчак, реформистички градоначалник на Санкт Петербург од раните 90-ти години на минатиот век. Ксенија Собчак се приклучи на протестите против власта во Москва во 2011 и 2012 година, но избегнуваше да го критикува претседателот Владимир Путин, кој некогаш работел како заменик на нејзиниот татко.
Путин сѐ уште не го потврдил своето учество на изборите, но се очекува да се кандидира за нов мандат.
Кога се појавија шпекулациите дека Собчек ќе се кандидира, лидерот на опозицијата Алексеј Навални предупреди дека ова може да оди во прилог на Кремљ, бидејќи ќе ја подели опозицијата во претседателската трка.
Навални сака да се кандидира за претседател на Русија на изборите во 2018 година, но неговото учество е спречено поради кривичната судска пресуда, за која тој тврди дека е политички мотивирана.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка