Руска амбасада: Изјавата на Заев е политички неодговорна
Изјавата на премиерот Зоран Заев дека руски бизнисмени потпалувале „комити“ да протестираат во Македонија од Руската амбасада во Скопје ја сметаат за политички неодговорна.
- Изјавата на Заев ја става под знак прашање искреноста на заложбите на Владата на Македонија за градење добри односи со Русија. Со жалење констатираме дека русофобијата се повеќе станува алатка во надворешната, а и во внатрешната политика, се вели во реакцијата на Руската амбасада во Македонија, објавен ана официјалниот твитер -профил на Амбасадата.
Во коментар на тврдењата дека руски бизнисмени ги потпалувале протестите во Македонија премиерот Заев денеска, по стартот на изградбата на фабриката на американска „Дура“ во Бунарџик, упати на добиените извештаи по разговорите во полицијата со дел од учесниците.
- Зборувам од тоа што го слушам во извештаите што ги добиваме. Знаете тие млади момчиња „комити“ кога нападнаа полицајци беа повикани во полицијата на исказ, па спомнуваа бизнисмени од Русија дека давале пари, заради тоа се тука и оти немаат ништо против или слично, рече Заев.
Македонија, дополни, е мала земја и сака да гради пријателство со сите, вклучително и со Руската федерација.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово