Русин испил осум шишиња вотка и починал

Еден 55-годишен Русин од Москва починал од труење со алкохол, откако во текот на новогодишната ноќ испил осум шишиња со вотка.

Човекот чие име не се открива, самиот учествувал во своевиден „маратон по пиење“ во кој немало други учесници, но по испиеното осмо шише се онесвестил.

Кога бил донесен во болница лекарите утврдиле дека пијаницата се наоѓа во состојба на токсичен алкохолен шок, па веднаш го префрлиле на одделението за интензивна нега.

Локалните медиуми пишуваат дека човекот ќе остане запаметен како рекордер во „маратонско пиење“ но дека сите обиди на лекарите за реанимација, не помогнале и тој следниот ден починал, без да се освести.

Полициската истрага открила дека човекот пиел „фалсификувана“ вотка, што веројатно уште повеќе помогнало за неговиот трагичен крај.

Соседите во куќата во која живеел им изјавиле на полицајците дека тој бил сам во станот. Во него биле откриени осум празни шишиња.