Русија забрани странски летови поради коронавирусот
Русија од утре забранува „редовни и чартер летови“ од Русија кон други земји и обратно, како дел од напорите да се спречи ширењето на коронавирусот. Забраната стапува во сила денеска на полноќ по московско време, со исклучок на летовите кои ги враќаат Русите од странство во татковината, согласно указот објавен на веб-страницата на премиерот Михаил Мишустин. Русија пријави повеќе од 650 случаи на инфицирани со новиот коронавирус, претежно во престолнината Москва, град со над 12 милиони жители.
Градоначалникот на Москва, Сергеј Собјанин, претходно неделава го предупреди рускиот претседател Владимир Путин дека вистинскиот број на случаи можно е да е „значително поголем“ отколку што е соопштено.
Во телевизиското обраќање до нацијата, Путин ги советуваше Русите да останат дома и рече дека на работниците треба да им се дозволи да останат дома од понеделник до петок следната недела и оти тие денови ќе им бидат платени.
Русија воведе и строги мерки за карантин за секој што влегува во земјата од странство и за секој што е можно да бил изложен на лица заразени со вирусот. Владата одлучи да не воведува карантин како оној во Кина и некои европски земји.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово