Русија воведува забрана за украински летови
Русија соопшти дека од 25 октомври ќе го затвори својот воздушен простор за украинските авионски компании.
Станува збор за одговор на иста таква мерка, што Укрина претходно ја воведе за две руски авиокомпании.
Врз основа на инструкции на рускиот премиер Дмитриј Медведев, од руската Федерална сообраќајна агенција е побарано да ги информира украинските авиокомпании кои летаат за Русија дека од 25 октомври ќе им биде забрането да го користат рускиот воздушен простор, јави ТАСС.
Ваквата мерка претставува одговор на минатонеделната одлука на украинските власти, кои забранија на руските компании Аерофлот и Трансаеро да летаат за Украина од 25 октомври. Украинските власти, исто така, забранија и руски транзитни летови, ако авионите превезуваат воен персонал или стоки со двојна намена.
Украинскиот претседател Петро Порошенко на 16 септември ја прошири листата на санкции против руски компании и личности за уште 400 службеници и 90 компании.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто