Русија воспостави контрола на границата со Белорусија

Руската Федерална служба за безбедност воспостави контрола долж границата со Белорусија, како одговор на одлуката на Минск да ги укине визите за краткорочните патувања на граѓаните од 80 земји, вклучувајќи ги и САД и членките на Европската Унија, пренесоа американските медиуми.

Според документи што вчера ги лиферуваше руската Влада, ФСБ вовела целосен режим на чување на границата на Русија со својот некогашен советски сосед.

Русија и Белорусија имаат тесни политички и економски врски и досега немаа контрола долж заедничката граница. Но, одлуката на белорускиот претседател Александар Лукашенко за укинување на визите ја загрижи Русија, која на оваа одлука гледа како на закана за својата национална безбедност.

Американските медиуми потсетуваат и дека во последно време односите меѓу Москва и Минск се загегнаа и заради серијата економски спорови.