Русија подготвена да посредува меѓу Израел и Палестинците
Русија изрази подготвеност да биде „фер посредник" меѓу Израел и Палестинците, и да ја преземе улогата која САД ја имаа со години.
Заменикот на рускиот амбасадор во ОН, Владимир Сафронков, ја понуди оваа улога на Русија во синоќешниот говор пред Советот за безбедност.
Тој претходно ја поддржа резолуцијата на која САД ставија вето, а со која се бараше американскиот претседател Доналд Трамп да ја повлече одлуката за прогласување на Ерусалим за главен град на Израел.
Палестинскиот претседател Махмуд Абас ја отфрли можноста САД да бидат посредник по овој потег од Трамп.
Сафронов рече дека станува сè поважно да се оди „колку што е можно кон директни израелско-палестинските преговори". Преговорите предводени од САД доживеаа крах во април 2014 година и оттогаш се во застој.
Амбасадорот го повтори предлогот на Русија да се одржи самит на палестинските и израелските лидери, оценувајќи дека неговата земја е подготвена да биде фер посредник. Сафронов, исто така, го повтори повикот на рускиот министер за надворешни работи, Сергеј Лавров, до Советот за безбедност да започне сеопфатно преиспитување на ситуацијата на Блискиот Исток.
САД вчера ставија вето на резолуцијата одобрена од страна на другите 14 членки на Советот за безбедност на ОН.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри