РСС доделува грантови во вредност од 750 илјади евра за развој на туризмот во Западен Балкан
Регионалниот совет за соработка (РСС) објави нов повик за доставување понуди за грантови за развој на туризмот на Западен Балкан во вредност од 750 илјади евра, бесповратни средства на ЕУ.
Парите ќе бидат доделени на околу 14 проекти кои ќе бидат селектирани како најуспешни, со поединечна вредност од околу 54 илјади евра по проект. Крајниот рок за аплицирање е 12 јули.
Во сите шест држави од Западен Балкан, вклучувајќи ја и нашата земја, од 12 до 20 јули ќе се одржат информативни денови наменети за заинтересираните правни лица. Информативниот ден во Скопје ќе биде на 18 јуни во хотелот „Александар Палас“.
Станува збор за втор повик за грантови од проектот чија вкупна вредност е пет милиони евра.
Третиот повик се очекува во септември годинава.
Целта на програмата за доделување на овие финансии на РСС е развој и промоција на заедничката регионална понуда на културолошкиот и авантуристичкиот туризам на Западен Балкан, со цел привлекување на што поголем број туристи од Европа и светот, нивно подолго задржување во регионот и зголемување на приходите и бројот на вработените во туризамот.
Неодамна, генералната секретарка на РСС Мајлинда Брегу посочи дека туризмот има побрз раст на Западниот Балкан од другите гранки и дека опфаќа 14 отсто од вкупниот број на вработените, кои минатата година пречекале 12 милиони туристи.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка