РСБСП: Бидете внимателни и одговорни возачи за време на новогодишните празници
Републичкиот совет за безбедност на сообраќајот на патиштата (РСБСП) апелира до возачите да бидат внимателни и одговорни и да не возат доколку конзумираат алкохол за време на новогодишните празници.
– Фактот дека е период на празници, време на веселби, прослави и забави, не Ви дава право да управувате моторно возило под дејство на алкохол. Напротив, ова е период во кој возачите треба да ја покажаат на дело својата свесност и совесност, велат од РСБСП.
Оттаму препорачуваат доколку возачите немаат некоја голема или неодложна потреба, да го остават возилото и да побараат друга форма на превоз како такси или јавен превоз.
– Ако немате некоја голема или неодложна потреба, најдобро е да го оставите возилото и да побарате друга форма на транспорт. Студеното време, ниските температури, замрзнатите и влажни коловози и маглата на патиштата, можат да ви направат проблеми. Затоа, најдобро е да користите такси или друг јавен превоз, истакнуваат од РСБСП.
Апелираат и до останатите граѓани да не дозволуваат пијан возач да вози, ниту да се возат со пијан возач бидејќи со тоа го доведуваат во опасност сопствениот живот.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација