РСБСП: Безбедноста на сообраќајот на врвот на агендата на институциите, возачите со поголема одговорност
Во Македонија на годишно ниво околу 160 лица го губат животот во сообраќајни незгоди, а повеќе од 6.000 лица се повредени.
Од Републичкиот совет за безбедност на сообраќајот на патиштата по повод 18 Ноември – Светскиот ден на сеќавањето на жртвите од сообраќајни незгоди апелираат до сите надлежни институции да ја издигнат безбедноста на сообраќајот на врвот на агендата на дејствување, а учесниците во сообраќајот да покажат повисоко ниво на свест и одговорност во сообраќајот.
– Црната слика на патиштата можеме да ја промениме само ако секој поединец, учесник во сообраќајот, го даде својот личен придонес за побезбеден сообраќај, истакнуваат од Републичкиот совет за безбедност на сообраќајот на патиштата.
Според податоците на Светската здравствена организација, годишно во сообраќајни незгоди животот го губат околу 1,3 милиони луѓе, што претставува 2,2 проценти од глобалната смртност. Овие податоци покажуваат дека над 3.500 лица дневно умираат како последица на сообраќајни незгоди, а околу 140.000 лица се повредени. Од нив, дури 15.000 лица се здобиваат со траен инвалидитет. Годишно во светски рамки околу 400.000 млади лица на возраст до 25 години го губат животот во сообраќајни незгоди, односно околу 1100 лица секој ден. Според СЗО, сообраќајните незгоди претставуваат трета причина за смртност кај децата на возраст од 5 до 9 години и втора причина за смртност кај децата на возраст од 10 до 14 години и кај младите на возраст од 20 до 24 години, а прва причина за смртност кај децата на возраст од 15 до 19 години.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје