РСБСП апелира за поголема безбедност на децата во сообраќајот
Републичкиот совет за безбедност на сообраќајот на патиштата (РСБСП) по повод почетокот на учебната година апелира секој учесник во сообраќајот да се однесува одговорно и внимателно, со цел да се заштитат децата од повреди и загуби.
Со почетокот на учебната година децата секојдневно ќе бидат учесници во сообраќајот и ќе бидат изложени на потенцијални ризици и опасности кои, како што е наведено во соопштението, би ја загрозиле нивната безбедност и здравје.
РСБСП апелира при управување со возило покрај училиште или градинка, возачите да бидат особено внимателни и да дадат максимален придонес за да се заштитат децата во сообраќајот.
Исто така, ги повикува родителите да бидат позитивен пример за своето дете во сообраќајот, да ги почитуваат сообраќајните правила и прописи, а особено ограничувањето на брзината на движење со возилото.
На светско ниво речиси 500 деца секој ден го губат својот живот во сообраќајни незгоди. Во Македонија изминатата година девет деца на возраст до четири години го загубија животот во сообраќајни незгоди и 13 деца на возраст од 5 до 18 години.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање