Романски суд: Басеску соработувал со Секуритате
Поранешниот романски претседател Трајан Басеску, сега член на Европскиот парламент, соработувал со комунистичката тајна полиција, озлогласената служба Секуритате, објави денеска романски суд.
„Обвинетиот Трајан Басеску бил соработник на Секуритате“, посочи судот во Букурешт по прегледувањето на документите од 1970-тите години, додека Басеску бил студент на Поморскиот институт во Констанца, југоисточно Романија.
Басеску стана значајна политичка фигура во Романија по падот на комунистичкиот режим и диктаторот Николае Чаушеску во декември 1989 година. Басеску беше претседател на Романија во два мандата од 2004 до 2014 година, како и градоначалник на Букурешт и неколку пати министер. Тој сега е член на Европскиот парламент и претставува мала партија од десниот центар
– Не знаев дека тоа е Секуритате, изјави Басеску пред новинарите, признавајќи дека на еден службеник тој му дал информации за неколку свои пријатели во тоа време. Басеску најави жалба против судската одлука, со која не му е изречена казна.
Судската постапка против Басеску беше поднесена од државен орган, надлежен за проучување на архивските документи на тогашната разузнавачка служба Секуритате. Органот пронашол текстови потпишани од Басеску, кој тогаш имал кодно име – Петров.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка