Романската премиерка Данчила нема намера да поднесе оставка
Романската премиерка Виорика Данчила изјави дека нема намера да поднесе оставка.
- Категорично не. Не гледам никакви причини зошто да поднесам оставка, имам поддршка од владејачката коалиција и за овие три месеци, според мое мислење, имав добри резултати, рече Данчила синоќа во интервју за телевизискиот канал „ТВ Романија“.
Таа додаде дека „романскиот претседател нема моќ да го разреши премиерот“.
- Можеби на претседателот не му се допаѓа Виорика Данчила, но мора да има службени односи помеѓу Владата и претседателот. Тој треба да размисли и да го преиспита својот пристап, рече премиерката, потенцирајќи дека ја има поддршката од владејачката коалиција.
Претседателот на Романија, Клаус Јоханис вчера побара од премиерката Виорика Данчила да поднесе оставка, оценувајќи дека не е способна да ја води романската Влада.
Според локалните медиуми, Јоханис истакнал дека Данчила „не е дорасната за функцијата романски премиер“, три месеци откако стана прва жена на чело на Владата на Романија.
Тој смета дека Данчила „повеќе сака да спроведува партиски наредби“ и да ја претставува слабата точка на Романија, наведувајќи дека не информирала за едностраниот предлог на Владата да ја пресели романската амбасада во Ерусалим.
Во Романија, претседателот е надлежен за надворешната политика на земјата и, според неговите надлежности, тој носи конечна одлука за Амбасадата. Тој нема овластувања да ја смени Данчила, но, се смета дека неговото барање создава притисок врз Владата, пишуваат медиумите.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово