Рјабков: Очекуваме нови чекори на Велика Британија и САД против Русија

Рускиот заменик министер за надворешни работи Сергеј Рјабков денеска изјави дека Москва очекува Велика Британија, САД и нивните партнери наскоро да преземат нови чекори против Русија, во врска со труењето на поранешниот руски двоен шпион Сергеј Скрипал.

- Русија се уште им нуди дијалог на Лондон и Вашингтон, порача Рјабков.

Противници на рускиот претседател Владимир Путин синоќа со графити напишани на улица во близина на руската Амбасада во Лондон, иронично ја критикуваа Русија по повод нападот со нервен агенс врз Скрипал, а еден од графитите бил: „Вечерајте во руската Амбасада - на мени се тестенини со полониум“.

Меѓу „предлозите за вечера“ имало и „шпагети со сарин“ и „новичоколадо“.