-->
-->
Ристовски: На сите натпревари со максимални 100%
-->
Македонската машка ракометна репрезентација денеска ги продолжи подготовките за Европското првенство во Хрватска, кое стартува во петок (12.јануари), а Македонија првиот натпревар го игра следниот ден против Словенија. По двата контролни дуели одиграни во Белград (две победи) со Саудиска Арабија (37:21) и со Србија (32:29), нашите играчи до заминувањето за Загреб ќе одржуваат тренинзи во СЦ „Борис Трајковски“.
За првиот ривал од групата Ц (Словенија) и за амбициите еден од поискусните играчи, голманот Борко Ристевски изјави:
- Репрезентацијата на Словенија е квалитетна, иако имаат отсутни играчи, но тие имаат замени за повредените. За нас е важно да играме на ЕП максимално и дека треба да играме 100%. Нивните повреди не треба да не залажуваат и најважно е по завршувањето на секој натпревар да бидеме среќни. Да пробаме да се бориме против секој ривал: Словенија, Црна Гора и Германија, па и во вториот круг со која било репрезентација и да се надигруваме за да постигнеме резултат.
Успешен настап пред се на пријателскиот дуел со Србија имаше десното крило Гоце Георгиевски:
- Добро ни дојдоа контролните дуели. Некои елементи добро ги одигравме. Имаме уште некои работи кои треба да се поправат и тоа ќе биде направено оваа недела. Ние треба да ја гледаме нашата работа и ќе треба замислите на тренерот да ги спроведеме на терен. Не сакам да прогнозирам, да одиме натпревар по натпревар. Првин е дуелот со Словенија. Наша цел е вториот круг, мислам дека имаме квалитет тоа да го направиме, а и го заслужуваме вториот круг. Репрезентацијата созрева, покрај искусните стигнуваат и помладите и можеме да се носиме со предизвиците од шампионатот.
На тренингот денеска работеше и Немања Прибак, додека поради болки во грбот на претпладневниот тренинг отсуствуваше Филип Лазаров, но и тој самиот најави дека брзо ќе се врати во стројот. Селекторот Раул Гонзалез и следните денови ќе работи со сите играчи кои ги има на располагање, а пред самото заминување (четврток) ќе реши со играчи Македонија ќе настапи на Европското првенство.
-->
-->
-->
Ново на Сител
-
Силјановска: Горда сум на граѓаните, не само на оние кои гласаа за мене туку и на останатите
-
Дел од извештаите на светските медиуми за претседателските избори во државава
-
ДИК: Oд обработени 80,03% oд гласовите Силјановска Давкова 284.775, Пендаровски 139.167
-
Јакимовски: Резултатите се далеку од моите очекувања
-
ДИК: Oд обработени 77,32% oд гласовите Силјановска Давкова 272.729, Пендаровски 133.184
-
Османи: Европскиот фронт ја победи коалицијата Вреди со над 40.000 гласа
-
Се слави пред седиштето на ВМРО-ДПМНЕ
-
ДИК: Oд обработени 71,19% oд гласовите - Силјановска Давкова 247.366, Пендаровски 121.228