Ристовски: Многу тешко ќе се вратиме после овој пораз
По високиот пораз против Шпанија пред два дена, Македонија не успеа да одговори и денес по голема драма загуби од Чешка. Овој пораз значително ни ги намалува шансите за висок пласман, а утрешниот меч против Данска ќе биде обид да се стигне до борбата за петто место.
Голманот Борко Ристовски одлично го одигра целиот меч, но на крај не можеше сам да се избори со противничкиот напад.
„Тие покажаа поголемо искуство на крајот. Можеби и заради тоа се радуваа на победата. Ова е најтешкиот дел од нашата работа. Еден момент се бориме за полуфинале, а сега мора да се помириме со поразот и да се бориме за излез од оваа тешка ситуација. Психолошки ќе ни биде многу тешко да се вратиме после ова, одигравме значително полошо во вториот дел. На стартот имавме одлична предност, но последните неколку минути поминаа во нивна доминација и тоа е тоа, мора да се помириме со денешната игра“ , изјави првиот голман на македонската репрезентација.
Со два порази во главната фаза, ни останува да се надеваме во добри исходи на останатите натпревари пред утрешната средба против Данска
Извор: Гол.мк
Ново на Сител
-
Вештачењето откри - Избришани повици и пораки од телефонот на мајката на исчезнатата Данка
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто