Кошарка
8. August 2016 - 7:36

Рио 2016: Хрватска го совлада европскиот шампион Шпанија

Кошаркарите на Хрватска го направија првото големо изненадување на кошаркарскиот турнир и во дуелот од првото коло од групата Б го победија европскиот првак Шпанија со 72:70. Во поголемиот дел од натпреварот Шпанија имаше и водство кое во неколку наврати беше и со двоцифрена разлика, но упорните Хрвати најдоа начин да дојдат до победата.

Триумфот го навести Бабиќ на шест и пол минути до крајот кога во контра со забивање донесе водство за Хрватска. Потоа Симон „пресече“ еден пас на Шпанците и водството беше зголемено. Миротиќ кај Шпанија со „тројка“ намали на 71:70, а на 12 секунди до крајот Шариќ погоди едно слободно фрлање. Во последниот напад токму Шариќ го изблокира шутот на Пау Гасол за изедначување.
Богдановиќ кај Хрватска со 23 поени беше најефикасен. Гасол кај Шпанија постигна 26 поени.