Револуционерна гарда: Ќе се забрза иранската балистичка ракетна програма
Иранската елитна Револуционерна гарда денеска соопшти дека балистичката ракетна програма ќе биде забрзана и покрај притисоците од САД и од Европска унија за нејзино суспендирање.
- Иранската балистичка ракетна програма ќе биде проширена и ќе продолжи со најголема брзина, како реакција на непријателскиот став на американскиот претседател Доналд Трамп кон оваа револуционарна организација, се посочува во соопштението на иранската Револуционерна гарда.
Врховниот лидер на Иран, ајатолахот Али Хамнеи вчера ги отфрли агресивните критики кон Техеран упатени од Трамп оценувајќи ги како „бладање и големи лаги“ кои доаѓаат од еден „дивјак“.
- Не сакам да трошам време одговарајќи на бладање и големи лаги на дивјак, каков што е американскиот претседател, посочи Хамнеи во обраќањето пред студентите во Техеран.
Тоа е прв одговор на Хамнеи на минатонеделниот говор на Трамп против Иран.
Американскиот претседател минатата недела го обвини Иран дека не го почитува нуклеарниот договор и ги критикуваше Европејците поради учествотот во иранските енергетски проекти.
Ново на Сител
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште