Loading Video...
Кошарка
18. May 2019 - 16:18
Ретко виден натпревар на кошаркарските терени во Македонија: МЗТ Скопје ја освои титулата во јуниорска конкуренција
Тим на МЗТ Скопје Аеродром е шампион на Македонија во јуниорска конкуренција.
Аеродромци го добија „трилер“ финалниот меч против Партизан Мултишед со 83:82 дури по дополнителните пет минути.
Откако во првиот дел бело-црните беа оние кои го контролираа резултатот, а на 2,5 минути до крајот пак МЗТ имаше +11, сепак благодарение на погодените слободни фрлања на Љубиша Димитровски на 4 десеттинки до крајот на мечот, МЗТ се избори за продолжение.
А, во него, повторно вистинска драма, која кулминираше со „тројката„ на Виктор Исајловски на 2,2 секунди до крајот.
Младиот, 17-годишен Гостиварец, кој е дел и од сениорскиот тим на МЗТ Скопје, беше и најефикасниот играч на мечот со 24 поени, па сосема заслужено го понесе признанието „МВП“ на турнирот. Исајловски голема поддршка имаше и Димитровски со 22 и Митевски кој постигна 21 поени. Кај поразените најефикасен беше Наков со 22, а Наумовски и Зекири придодадоа по 21 односно 18 поени.
Со медал се закитија и кошаркарите на Феникс 2010 кои во борба за 3.место го совладаа Работнички со 63:55,
-
Игор Трпески
Сите содржини од овој новинар
-->
-->