„Респект“: Сергеј Скрипал бил во тајна посета на Прага во 2012 година
Поранешиот полковник од руската воена разузнавачка служба ГРУ, Сергеј Скрипал, во 2012 година бил во тајна посета на Прага и се сретнал со претставници на чешките специјални служби, тврди електронското издание на чешкиот весник „Респект“.
Според изданието, станува збор за „соработка за откривање на мрежа на руски агенти".
„Респект“ наведува дека Скрипал најмалку еднаш, во 2012 година бил во Прага.
- Иако, тој беше тука кусо време, неговото патување беше искористено за средби со локалните служби, а претставници на чешките безбедносни структури потоа барем еднаш се сретнаа со поранешниот руски шпион во Велика Британија, пишува „Респект“.
Чешкиот медиум наведува дека, откако се досели во Велика Британија, Скрипал соработувал со британската специјална служба МИ6 за да ја открие мрежата на руската агентура во западните земји.
Тој имал средби со претставници на службите на земјите партнери на Обединетото Кралство, за да се осигури безбедноста на Западот. Од 90-тите години на минатиот век, во тој круг влегла и Чешка.
„Респект“ укажува дека неодамнешниот обид да се отруе Скрипал на британската територија со нервниот агенс „Новичак“, не е поврзан со неговото патување во Прага.
Ново на Сител
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”
-
Вратен и третиот мандат за формирање влада, следат нови избори во Бугарија
-
Ѓурчески: Се сомневам дека Данка е киднапирана, детално чешлање на сите криминалци во тој регион