Решена мистеријата со авионот на дното на езеро на Гугл Мапс
Конечно е решена мистеријата со снимката од Гугл Мапс на која се гледа патнички авиот „потопен“ во едно американско езеро.
Снимката на која изгледа дека авион се наоѓа на дното на езерото Хариет близу Минеаполис, до сега ги мачеше локалните власти кои се обидуваа да утврдат што тоа снимил сателитот на Гугл.
Во архивите не се пронајдени никакви податоци за авион кој се урнал во езерото.
Пред да почне масовната хистерија и ширењето на разни теории на заговор, се огласи потпаролот на Гугл Мапс, Сузан Кадреч, која понуди многу едноставно решение за загатката.
Според неа, во моментот кога е направена сателитска снимка, најверојатно авион го надлетувал езерото, па на неа се чини како леталото да се наоѓа на езерското дно,
- Накратко, секоја сателитска снимка која ја гледате на картата е компилација на неколку слики. Објекти кои брзо се движат, како авиони, се појавуваат само во една од големиот број слики кои ги користиме за одредено подрачје, рече Кадреч за „Минеаполис Стар Трибјун“.
Езерото Хариет е осум километри оддалечено од аеродроот Сент Пол во Минеаполис, каде годишно полетуваат или слетуваат околу 400.000 авиони. Со оглед на тоа дека езерото се наоѓа под рута низ која летаат авионите, објаснувањето е и повеќе отколку логично, пишува „Индепендент“.
Ова не е првпат авион да се појави на чудно место на картите на Гугл. Авиони беа „забележувани“ на детски игралишта во Њујорк, како и на дното на Атлантскиот Океан недалеку од Лонг Бич.
Ново на Сител
-
УЕФА ја казни Барселона
-
Ѓорческа не го помина второто коло на фјучрсот во Копер
-
Хамилтон: Ќе се тркам долго откако ќе наполнам 40 години, Ферари не е нешто краткорочно
-
Продолжуваат кампањите за претседателските и парламентарните избори
-
Протест на вработените во културните институции поради неисплаќање на мартовската плата
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија