Македонија
26. September 2016 - 15:29

Реновирани простории на детското и интерното одделение во кумановската болница

Менаџерскиот тим на кумановската општа болница денеска ги промовираше реновираните простории на детското и на интерното одделение во оваа здравствена установа.
 
Средствата се обезбедени од буџетот на болницата, соопшти директрот на ЈЗУ, Ариф Латифи, а со реконструкцијата опфатени се 250 метри квадратни од детското одделение и 150 од интерното одделение. Со реконструкцијата опфатени се дневните болница, специјалистичките амбуланти и примените простории на двете одделенија.
 
- Условите во овие две одделнија не беа на задоволително ниво, бевме приморани да направиме реконструкција на просториите за да можат нашите најмали пациенти и пациентите на интерно да добијат услови какви што заслужуваат.Ова што го вложуваме е за доброто на нашите пациенти, изјави директорот на кумановската болница Латифи.
 
Началникот на детското одделение доктор Аднан Сулејмани вели дека наскоро очекуваат реконструкција и на вантрешниот  дел од  детско одделение.
 
- За најмалите го правиме најдоброто што се може.Во моментов во текот на едно деноноќие имаме од 70- 80 пациенти со различна, најчесто со респираторна патологија, воспаленија на бели дробови, настинки, воспаленија на синуси,на горни дишни патишта, изјави Сулејмани.
 
Шефот на интерното одделение,доктор Томица Анчевски изјави дека со реконструкцијата на амбулантата од интерното одделение,пациeнтите добиваат подобри услови за квалитетно пружање на здравствената нега. Во овие простории, додаде, се примаат пацинети со приоритетни упати, пациeнти кои ги носи службата за Итна медицинска помош, ургентната и ноќната амбуланта. Во амбулантата, информираше, поминуваат по 60-тина пацинти.
 
Наскоро, најавија од менаџерскиот тим од болницата,  се очекува да отпочне и реконструкцијата на физикалното одделение, АТД и подрумските простории каде што беше сместена дневната болница. Во завршна фаза од реконструкцијата се просториите каде беше сместена хирургија. Tаму, според Латифи, предвидено е да функционираат амбулантите за гинекологија и акушерство.