Македонија
11. February 2016 - 9:34

Реновиран Домот на културата во Богданци

Реконструкцијата на повеќенаменската сала во Домот на културата „Бранд Петрушев“ во Богданци е успешно завршена,  информира денеска општина Богданци.

Според Даринка Минова од службата за односи со јавноста на општината, за обновувањето на салата биле инвестирани 77.000 евра, средства кои биле обезбедени од буџетот на општина Богданци и преку европските фондови во рамки на ИПА програмата за прекугранична соработка меѓу Богданци и Ќустендил од Бугарија.

- Реконструираната сала сега има 145 седишта и сценски простор од 72 метри квадратни кој овозможува услови за театарски претстави, музички, танцови и јавни настапи, кино и други визуелни проекции, рече Минова.

Таа потенцира дека со овој зафат целосно заврши реконструкцијата на внатрешниот простор на постоечкиот објект на Домот на културата во Богданци кој зафаќа вкупна нето површина од 715 метри квадратни.