-->
-->
Рекорден раст на новозаразени со коронавирус во Сиднеј
-->
Најголемиот град во Австралија, Сиднеј, забележа рекорден дневен раст на нови инфекции со коронавирус. Во последните 24 часа, регистрирани се 239 нови случаи – највисок број од почетокот на пандемијата.
Главната причина за комплицираната епидемиска ситуација е новата, делта-варијанта на вирусот. Поради таа причина, австралиските власти ги зголемија овластувањата на полицијата, што им овозможува да ги затвораат продавниците што не работат во согласност со анти-епидемиските мерки.
Повеќе од два милиони жители во осум жаришта во Сиднеј сега ќе треба да носат маски на отворено и не смеат да бидат повеќе од 5 километри оддалечени од своите домови. Сиднеј е во петтата недела од продолжената деветнеделна блокада, која треба да заврши на 28 август. Сепак, продолжува ширењето на многу заразна варијанта Делта, јавија локалните медиуми. Еден ден порано, државата Нов Јужен Велс информираше за вкупно 177 нови случаи на коронавирус. Сиднеј, дом на една петтина од 25-те милиони жители на Австралија, се бори со најлошиот бран на пандемијата оваа година, продолжувајќи го заклучувањето за уште еден месец од вчера. Досега се идентификувани повеќе од 2800 случаи, а 182 лица се хоспитализирани, 54 се на интензивна нега. Пријавени се два нови смртни случаи, со вкупно 13 смртни случаи во последниот бран.
-->
-->
-->
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено