Рекорден број проруски партии ќе учествуваат на изборите во Србија
На претстојните парламентарни избори во Србија на 24 април ќе учествуваат рекорден број проруски партии, приврзаници на Владимир Путин, пишува весникот „Блиц“.
Според весникот, досегашниот Парламент ќе биде запомнет како прв во кој влегоа само проевропски ориентирани партии, но судејќи според рејтингот и бројот на регистрираните избирачки листи, оваа година во законодавниот дом можат да се вратат и проруските партии.
Освен Српската радикална партија (СРС) и коалицијата Двери-Демократската партија на Србија (ДСС), во трката за пратенички мандати учествуваат и движењето „Заветници“, Српската народна партија (СНП) на Ненад Поповиќ, која е вклучена во листата на владејачката Српска напредна партија (СНС), како и Српско-руското движење.
Доколу успее да ги отстрани нерегуларностите во документите, на изборите ќе учествува и Единствената руска партија. Со тоа бројот на партиите, кои пропагираат проруска ориентираност и имаат блиски политички односи со официјална Москва, ќе достигне седум.
Претседателот на Комисијата за внатрешна политика при рускиот Парламент и функционер во партијата Единствена Русија на Путин, Константин Косачов неодамна изјави дека неговата партија ги поддржува СПС и СНС, додавајќи дека Москва не се меша во изборната кампања, но руските партии соработуваат со српските.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.