Рекорден број грипозни за една седмица регистрирани во Кавадарци
Рекорден број грипозни лица за една седмица се регистрирани оваа сезона во Кавадарци, информираше денеска доктор Ристе Јовановски од Центарот за јавно здравје.
Само изминатата седмица, посочи, во Кавадарци се регистрирани нови 343 новозаболени од сезонски грип.
- Сега вкупната бројка на грипозни се искачи на 820 оваа сезона, а тоа е неколку пати повеќе од ланските 181 заболено лице во овој период од годината. Но, мораме да нагласиме дека имало и години кога оваа бројка била и поголема во истиот период од сезоната за грип, појасни Јовановски кој е специјалист епидемиолог.
Тој соопшти дека и понатаму најчесто заболуваат од грип лицата на возраст од 15 до 65 години, а веднаш по нив се оние од 5 до 14 години.
- Со оглед на временските прилики, очекуваме оваа бројка да расте и понатаму. Препорачуваме заболените да се изолираат и да се лекуваат во домашни услови. Да пијат течности, чаеви, сокови, негазирани пијалоци и витамини, да мируваат во постела без физички напрегања и доколку се појават компликации, да побараат помош од матичен лекар, советуваше докторот.
Ново на Сител
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот
-
Албанската опозиција во кампања со поддршка од косовскиот премиер
-
Анкета на ИРИ: Србите најголеми пријатели, Бугарија најголема закана за Македонија
-
Младите се пречесто на социјалните медиуми – не пребаруваат за политика
-
Наместо зголемени плати за 12%, вработените во култура не добија никаква плата за март - најавија протести
-
Доживотна казна затвор за кочанчанец кој усмрти жена на свиреп начин