Реконструкција и поставување водоводна и канализациона мрежа на улица "Титовелешка" во Маџирмаало

Реконструкција и поставување водоводна и канализациона мрежа на улица "Титовелешка" во Маџирмаало. Општина Центар паралелно работи на уште две други улица Петричка и улица Ѓуро Ѓоновиќ.

 

- За првпат по 60 години се поставува канализациона и водоводна мрежа. Оваа улила е во должина од 360м. Паралелно работиме и на други проекти како игралиштето а ќе продолжиме со поддршка на традиционалните "маџирмаалски средби", изјави градоначалникот Саша Богдановиќ.

За новиот ДУП во кој е предвидено да се градат деловни, станбени згради и хотели Богдановиќ вели е среќен што граѓаните имаат можност да се произнесат во анкетните листови и врз основа на нивните мислења ќе постапат.

 

- За разлика од порано кога ДУП се носеше во ноќни часови, сега жителите имаат можност да се изјаснат. Има реакции и забелешки но има и позитивни коментари за она што е предвиденп во ДУП-от. Едни се против тие објекти, други пак сакаат и бараат станбени згради или деловни. Да видиме како ќе заврши процесот, за околу месец и половина ќе имаме заклучоци, вели Богдановиќ.