Балкан
7. July 2016 - 8:54

Реглинг: Грција ќе може да се врати на пазарите од следната година

Грција ќе може да се врати на пазарите за хартиите од вредност во 2017 година и да ги финансира од нив потребите за 2018 година, изјави директорот на Европскиот стабилизациски механизам Клаус Реглинг во интервју за Блумберг, јави АНА-МПА.

Реглинг нагласи дека примерот на другите земји, кои ја исполниле антикризната програма покажал дека тие излегле на пазарите пред крајот на финансирањето на ЕСМ. 

- Сметам дека Грција ќе биде во состојба да го стори истото во 2017 година, нагласи Реглинг, додавајќи дека од 2018 година натаму се очекува земјата да може да се самофинансира од пазарите.