-->
-->
Регионална работилница на тема „Попис и политики на населението“ во Делчево
-->
Во организација на невладината организација „КХАМ“, во Делчево се реализираше едукативна работилница од регионален карактер на тема „Попис и политики за население“. Како што информираше извршниот директор на „КХАМ“, Закир Абдулов, се работи за проект чија главна цел е информирање на населението околу претстојниот попис во државата.
-Активноста е резултат на Македонската платформа за борба против сиромаштија и нашата невладина организација. На работилницата учествуваа претставници на неколку граѓански организации и здруженија од регионот, односно граѓани од општините кои гравитираат кон Општина Делчево. Целта е да им се даде можност во наредниот период да дадат свои забелешки околу сите предности или недостатоци за спроведување на претстојниот пробен попис, соопшти Абдулов.
Освен овој проект, дополни дека НВО „КХАМ“ веќе го привршува проектот за подобра едукацијата за здравствените права на Ромите како пациенти во регионот Пијанец – Малеш, а во план на реализација се проекти преку Еразмус плус програмата.
-Дел од активностите веќе се завршени, но следуваат нови проекти како што е проектот од Еразмус плус, а тоа е проектот за преквалификација и доедукација на Ромската заедница во Источна Македонија, додаде Абдулов.
Од оваа организација напоменаа дека во моментот во општините Делчево, Пехчево и Виница како и село Црник како дел од проектот „Социјална отчетност и правно зајакнување“ се спроведуваат анкети наменети за припадниците на ромската заедница, а со цел подобар пристап до здравствените услуги, квалитет на здравствени услуги и дискриминација во здравствената заштита.
-->
-->
-->
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка