Регионален противпожарен натпревар во Куманово
Во Центарот за култура „Трајко Прокопиев“ денеска се одржа 32-от регионален противпожарен натпревар за ученици од основни и средни училишта, во организација на Противпожарниот сојуз на Република Македонија.
Во категоријата кадети победата ја однесоа учениците од основното училиште „Крсте Мисирков“, кои се натпреваруваа со основците од Кратово, Пробиштип и Свети Николе.
-Триесет и две години одржување на вакви натпревари е навистина голема бројка, а во натпреварите учествувале 1.000 ученици. Тие имаа можност да научат нешто повеќе за противпожарната заштита да освојат награди, но и да другаруваат меѓу себе, изјави, Никола Николов претседател на противпожарен сојуз на Република Македонија
Предметниот наставник од основното училиште „Крсте Мисирков“, Јасминка Бошковска истакна дека е задоволна што учениците се покажаа како најдобри.
-Како и секоја година така и оваа учениците освоија прво место на општинскиот натпревар, а сега и на регионалниот. Се подготвуваа подолг временски период, материјалот е доста тежок, учеа редовно и се надеваме дека и на државниот ќе освојат победа, и ќе бидат меѓу првите места, рече Бошковска.
Учениците посочија дека се задоволни од освоеното место.Најдобрите од овој натпревар ќе учествуваат на републичкиот натпревар, кој ќе се одржи наредниот месец во Кавадарци.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка