Референдумот за името ќе чини 3,5 милиони евра
Трошоците за спроведување на референдумот за името, којшто согласно со денешната одлука на Собранието на Република Македонија ќе се одржи на 30 септември годинава, ќе изнесуваат 3,5 милиони евра.
Парите ќе бидат обезбедени од Буџетот на РМ, со прераспределба помеѓу буџетските корисници на централната власт и помеѓу фондовите, како што е дефинирано во Одлуката која ја изгласа попладнево законодавниот дом.
Одлуката за прераспределба на средствата беше донесена без расправа со 64 гласа „за“ и ниту еден „против“ и „воздржан“, а на неа и претходеа седници на Комисијата за финансирање и буџет и Законодавно-правната комисија.
Претходно Собранието, со 68 гласови „за“, без „против“ и „воздржан“ и во отсуство на опозицијата, донесе одлука на 30 септември 2018 да се одржи референдум за името кој ќе биде консултативен.
Референдумското прашање ќе гласи: „Дали сте за членство во ЕУ и НАТО со прифаќање на Договорот помеѓу Република Македонија и Република Грција?“.
По скратена постапка, без расправа, пратениците попладнево изгласаа и измени и дополнувања на Царинскиот законик, со што беше исцрпен дневниот ред на 57-мата седница.л
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка